Drejtoresha e INSTAT-it, Dhurata Dhuli sot dha lajmin se shtyhet afati deri më 15 nëntor i Censit të Popullsisë dhe Banesave. “Aktiviteti i censit të popullsisë dhe banesave ka pasur ecuri pozitive. 5240 anketues kanë trokitur nëpër shtëpi. 3% e zonave në të gjithë territorin nuk janë numëruar”,-tha Dhuli në konferencë.
”Procesi nuk është mbyllur kryesisht në zonat e rindërtimit si Tiranë, Durrës, Kurbin, Krujë dhe ndonjë zonë tjetër që ka zona në distanca të largëta. Nuk ka asnjë gjobë për informacione të rreme. Kemi shkuar me shumë se 3 herë nëpër shtëpi”,-tha më tej Dhuli.
Censi duhej të mbaronte në 30 tetor por u vendos të shtyhet më 15 nentor. Dhuli tha se shtyrja e afatit nuk ka kosto shtesë. Drejtoresha vlerësoi ecurinë pozitive por pranoi se ka pasur dhe raste refuzimi nga familjet për plotësimin e censit.