Pas bllokadës së bërë nga Trump për kompaninë kineze Huawei duke e futur në listën e zezë të tregtisë, edhe Google i ndalon kësaj kompanie disa përditësime të sistemit operativ Android, duke i dhënë një goditje firmës kineze.
Kjo do të thotë që modelet e reja të smartphone Huawei nuk do të kenë akses në përdorimin e disa aplikacioneve të Google.
Në një deklaratë, Google thotë se vepron “në përputhje me me rishikimin e implikimeve”. Megjithatë Huawei, raporton BBC, nuk ka dashur të komentojë.
Lexo edhe- FBI dhe CIA: Mos përdorni Huawei, janë spiunë
Por çfarë do të thotë kjo për përdoruesit e Huawei?
Përdoruesit e telefonave ekzistues të Huawei do të mundt ë përditësojnë aplikacionet e tyre dhe shërbimet e Google Play. Por kur Google të lançojë versionin e fundit të Android brenda këtij viti, nuk do të jetë i vlefshëm për pajisjet Huawei.
Telefonat e ardhshëm të Huawei nuk do të kenë më aplikacionet si YouTube apo Maps. Huawei mund të përdorë versionin e vlefshëm deri tani të Google përmes një licence me burim të hapur.
Të mërkurën e shkuar, administrata e Trump e shtoi Huawei në listën e njësive, që e ndalon kompaninë të blejë teknologjinë nga firmat amerikane pa miratimin e qeverisë.