Aplikacioni Clubhouse, i cili ngjason me një bisedë në radio, konferencë në Zoom, apo me një podcast, i përmbledh të gjitha këto bashkë.
Clubhouse është rrjet social që bazohet në biseda audio, njësoj si një podcast, por funksionon drejtpërdrejtë. Përdoruesit e këtij aplikacioni mund të dëgjojnë biseda, intervista dhe diskutime të tjera mes njerëzve për tema të ndryshme.
E veçanta e këtij rrjeti covial është ‘invite-only’, që do të thotë se ju nuk mundeni ta shkarkoni dhe të krijoni llogarinë tuaj nga App Store. Që jut ë jeni përdorues i këtij aplikacioni, duhet që një anëtar ekzistues t’ju ftojë, pra e thënë ndryshe, duhet që së pari dikush t’ju ftojë.
Pas marrjes së ftesës, në Clubhouse jeni të lirë të zgjidhni temat që ju interesojnë: teknologji, libra, biznes, shëndetësi, muzikë etj. Informacionet dhe pëlqimet tuaja do të përdoren nga aplikacioni për t’ju rekomanduar gjëra të reja, gjë që e bën këtë aplikacion interesant.
Edhe pse duket pak e çuditshme, bisedat janë si salla konference, ku disa flasin dhe shumica dëgjojnë. Pasi mbaron biseda, “dhoma” mbyllet.
Për më shumë bëhu pjesë e grupit më viral në Facebook, Dosja.al
Gjëja tjetër e veçantë është se përdoruesit e Clubhouse nuk mund të dërgojnë vetëm një ftesë te kushdo që dëshiron të bashkohet. Përdoruesit ekzistues kanë vetëm dy ftesa të disponueshme në fillim.
Në Clubhouse nuk ka foto dhe video, përdoruesit kanë vetëm një foto profili. Emri duhet të jetë ai i vërteti dhe për momentin është i disponueshëm vetëm në iOS, por së shpejti do të lançohet edhe në Android.
Clubhouse, aplikacioni për të cilin po flitet kaq shumë, u lançua në mars të vitit 2020 në SHBA. Në maj, Clubhouse kishte vetëm 1,500 përdorues dhe vlente 100 milionë dollarë. Ky aplikacion u bë i famshëm kur Elon Musk organizoi një bisedë me drejtorin ekzekutiv të Robinhood, Vlad Tenev. Biseda u transmetua drejtpërdrejt në YouTube.
Q prej datës 1 Shkurt 2021, Clubhouse ka 2 milion përdorues . Së fundmi, Clubhouse ka njoftuar veçoritë e reja të ardhshme, si informimin, biletat ose pajtimet, për të paguar drejtpërdrejt krijuesit në aplikacion.