Dy ditë pasi policia e Vlorës vuri në pranga një të ri nga Tirana pasi shiste kokainë në plazhet e Dhërmiut, këtë herë është zbuluar një rast i shpërndarjes sëdrogave stimuluese, e bëhet fjalë për ekstazi.
Lexo edhe- Nga Tirana në Dhërmi për të shitur kokainë, arrestohet 37-vjeçari
Sipas burimeve zyrtare të policisë janë sekuestruar 100 kokra ekstazi dhe është vënë në pranga poseduesi i tyre, një 22-vjeçar nga Tirana. “Gjatë kontrollit fizik, Policia i gjeti shtetasit S.K, 100 kokrra lëndë narkotike e dyshuar “Ekstazi” (drogë stimuluese) si dhe një sasi valute prej 525 eurove dhe 60.000 lekë të rinj, të cilat dyshohen se janë përfituar nga aktiviteti kriminal i shpërndarjes”, thuhet në njoftimin zyrtar të policisë.
Mësohet se droga shitej nëpër baret e pub-et e natës në zonë, të cilat tashmë janë të populluara për shkak të sezonit veror.
NJOFTIMI I POLICISE
Goditet një tjetër rast i shpërndarjes së drogave stimuluese.
Finalizohet operacioni antidrogë “Drimadha”
Sekuestrohen nga policia 100 kokrra ekstazi si dhe para të përfituara nga shitja e tyre.
Vihet në pranga poseduesi.
Seksioni i Hetimit të Narkotikëve dhe Trafiqeve, në bazë të informacioneve të marra në rrugë operative, se në zonën e Drimadhës, shpërndahej drogë stimuluese nga një shtetas, kanë organizuar dhe finalizuar operacionin policor “Drimadha”, ku në bashkëpunim me forcat operacionale pranë DVP Vlorë kanë vënë në pranga 22 vjeçarin nga Tirana S.K.
Gjatë kontrollit fizik, Policia i gjeti shtetasit S.K, 100 kokrra lëndë narkotike e dyshuar “Ekstazi” (drogë stimuluese) si dhe një sasi valute prej 525 eurove dhe 60.000 lekë të rinj, të cilat dyshohen se janë përfituar nga aktiviteti kriminal i shpërndarjes.
Materialet iu referuan Prokurorisë në ngarkim të tij për veprën penale “Prodhimi dhe shitja e narkotikëve”.