Protesta kundër shkeljes së të drejtave të njeriut ndaj qeverisë ka vijuar dhe ditën e sotme në sheshin Skënderbej teksa është tensionuar situata.
Policia ka kërkuar largimin e tyre pasi nuk lejohen grumbullimet dhe tubimet në kohën e pandemisë, por kjo ka sjellë acarim të situatës me përplasje mes palëve.
Një grua është parë të shtrihet në tokë duke ulëritur ndërkohë që të tjerë kanë shkuar për ndihmë. Më pas një ambulancë e ka marrë zonjën. Në polici është shoqëruar dhe avokati Altin Goxhaj dhe disa aktivistë të tjerë.