Dëshmi të ndryshme thonë se bombardimet e fundit në qytetin ukrainas të Chernihiv kanë shkaktuar të paktën 10 viktima.
Mësohet se mëngjesin e kësaj të mërkure, një raketë goditi një grup njerëzish që ishin në radhë për bukë në qytetin verior të Ukrainës, Chernihiv, ka shkruar “CNN”.
CNN nuk është në gjendje të verifikojë në mënyrë të pavarur shifrën e viktimave. Megjithatë, një reporter lokal tha se nga ky sulm kishin mbetur të vrarë 10 persona. Ai gjithashtu tregoi se dikush po transportohej në një automjet afër. Nuk ishte e qartë nëse ishte gjallë.
Chernihiv është i rrethuar nga forcat ruse dhe ka parë bombardime të përsëritura gjatë javës së fundit, shumica e të cilave goditën zonat e banuara.