Gazetari Nebil Çika, teksa flet për protestën e nesërme, thotë se nuk beson se do të kemi të bëjmë me një protestë të dhunshme. Sipas tij revolucioni është pjesë e retorikës së Berishës, por deri tani sipas tij nuk dimë që ai ta ketë realizuar një gjë të tillë, madje u shpreh se vetëm i kanë bërë Berishës revolucion.
“Besoj tek bota e lirë dhe te kryengritja. Berisha e ka përsëritur herë pas here këtë sepse dihet që revolucioni është pjesë e retorikës së tij politike. por nuk besoj se do të jetë protesta nesër një revolucion. Besoj se ajo shtresë e popullsisë që i drejtohet Berishës nuk është për revolucionin. PD përfaqëson të djathtët dhe nuk besoj se është e gatshme kjo shtresë të bëjë revolucion. Forcat e majta politike duke shfrytëzuar dhe filmat dhe humbjet e piramidave, Berishës ja kanë bërë revolucionin, por vetë Berisha s’ka bërë deri tani revolucion. Madje dhe ja kanë marrë pushtetin me dhunë në vitin 1997 sepse pas këtij viti e vazhdim marrja me dhunë e pushtetin nuk ka funksionuar”,-tha në “MCN Tv”.
Nga ana tjetër, ai thotë se një “non-grata” nuk mund të realizojë një protestë. “Nëse ti do të rrëzosh një qeveri morale duke përdorur teori imorale kjo është e gabuar. Berisha është non grata për korrupsion, ndërsa Rama është për minimin për korrupsion, pra thelbi protesta nuk mund të realizohet nga një non grata për një non grata tjetër”.