Një pjesë e mirë e këngëve të Ledri Vulës janë nënkuptuar si dedikime personale, e madje edhe DISS-e. I ftuar dje në programin “Pardon My French” në Top Albania Radio, artisti tregoi të vërtetën në lidhje me këtë temë. Ai tha se këngët e tij nuk janë dedikim, thjesht frymëzohet prej situatave dhe krijon tekstin. Për sa i përket këngëve, ai shpjegoi ndikimin e partneres Sara dhe vajzës Poem Blu në realizimin e tyre. “Nuk më kanë bërë më të butë, por më punëtor e të papërtueshëm”. Ndërkohë, Ledri sqaroi se ai nuk bën DiSS-e. “Diss-e s’kam bërë kurrë. Janë këngë për të treguar për veten. Rap-i ashtu ka filluar.Ai tjetri s’ka ditur të thotë që është më i mirë se ty, të ka sharë. Unë s’kam sharë por pa modesti e mendoj që jam më i mirë se disa”, është shprehur artisti.
Ledri foli edhe për projektet e tij të radhës. Ai tregoi se për momentin nuk ka në plan të nxjerrë më këngë, por do i lançojë pas verës.
Reperi rrëfeu edhe në çfarë stadi e sheh hip hop-in në ditët e sotme. “Nuk është në pikën më të mirë në botë, as te ne. Nuk ka vdekur, por ajo ç’ka mbijetuar është reptura. Një këngë komplet hip-hop e ka publikun më të kufizuar. Unë jam i kënaqur. Do doja të bëja më shumë hip-hop. Në dimër do doja të bëja”, tha Ledri. /News31