Nobeli në Fizikë për vitin 2023 i është ndarë tre shkencëtarëve, për punën e tyre në krijimin e atyre që janë quajtur pulse jashtëzakonisht të shkurtra të dritës.
Falë punës së tyre, u gjet një mënyrë për të krijuar impulse jashtëzakonisht të shkurtra drite që mund të përdoren për të matur proceset ose momentet e shpejta në të cilat elektronet lëvizin ose ndryshojnë energjinë.
Pierre Agostini, Ferenc Krausz dhe Anne L’Huillier ndajnë çmimin prej 11 milionë koronash suedeze të shpallur të martën nga Akademia Mbretërore Suedeze e Shkencave në Stokholm. Çmimi i këtij viti është çmimi i 117-të Nobel që jepet në Fizikë që nga viti 1901. L’Huillier është gruaja e pestë që merr çmimin.