Ministria e Shëndetësisë së Kosovës ka bërë të ditur se gjatë 24 orëve të fundit janë shënuar vetëm pesë raste të reja me koronavirus nga 358 testime në total.
MSH bën të ditur se në 24 orët e fundit nuk është shënuar asnjë rast vdekjeje, ndërsa janë shëruar tetë persona. Në total numri i rasteve aktive është 104.
Ministria e Shëndetësisë u ka bërë thirrje qytetarëve që të vaksinohen dhe se ata mund të zgjedhin vetë llojin e vaksinës, Pfizer ose AstraZeneca.