Forcat e Armatosura vijojnë të shpërndajnë ndihma për familjet në nevojë, atyre të prekura nga tërmeti, si dhe është duke i ardhur në ndihmë pensionistëve.
Ministrja e Mbrojtjes Olta Xhaçka shprehet se nuk ka justifikim për dalë nga shtëpia, as për njerëzit në nevojë.
Sipas Xhaçkës, FA është pranë kësaj shtrese të popullsisë dhe çdo ditë është duke shpërndarë ndihma në çdo bashki sipas kërkesave.
“Operacioni humanitar i FA. Faleminderit që po respektoni masat kundër përhapjes së COVID-19! Nuk ka justifikim për të dalë nga shtëpia as për njerëzit më në nevojë. FA bashkë me pushtetin lokal po punojnë pa ndërprerje për t’u ardhur në ndihmë pensionistëve kryefamiljarë dhe familjeve të varfra, duke u kujdesur që të mos u mungojë asgjë jetike. Qendro në shtëpi!”,- bën thirrje Xhaçka.
Forcat e Armatosura që prej marrjes së masave nga qeveria për të minimzuar përhapjen e COVID 19 vijon shpërndarjen e ndihmave për familjet në nevojë dhe atyre të prekura nga tërmeti me qëllim që edhe kjo pjesë e popullsisë të mos ketë nevojë të lëvizë për të blerë ushqimet.