Presidenti Ilir Meta i është drejtuar qeverisë Rama me një thirrje urgjente.
Nisur nga raporti i Fondit Monetar Ndërkombëtar që e rendit Shqipërinë të fundit në rajon për mbështetjen fiskale për pandeminë, Meta i bën thirrje qeverisë që të shkurtoja pagesat për PPP-të dhe të shtojë buxhetin për mbështetje për pasojat e pandemisë.
Postimi:
Fondi Monetar Ndërkombëtar, në raportin e muajit janar 2021, mbi nivelin e mbështetjes fiskale të drejtpërdrejtë për pandeminë, e rendit Shqipërinë të fundit në rajon.
Niveli i mbështetjes buxhetore rezulton rreth 4.5 herë më pak se mesatarja e vendeve të rajonit.
Shqipëria ka mbetur në nivelin 1.2% të Prodhimit të Brendshëm Bruto sa i përket mbështetjes kundër COVID-19, ndërkohë Maqedonia e Veriut ndodhet në nivelin 2.6% të PBB, Bosnje-Hercegovina në 5.1% të PBB, Kosova 5.6% e PBB, Serbia 5.6% e PBB dhe Mali i Zi në 8% të PBB.
COVID-19 nuk luftohet me propagandë. Numri i të prekurve dhe i jetëve të humbura po rritet çdo ditë.
Qeveria duhet të shkurtojë pagesat për PPP-të dhe të shtojë mbështetjen buxhetore për përballimin e pasojave të pandemisë.
Asgjë nuk ka më shumë vlerë se shëndeti dhe jeta e qytetarëve, që duhet të jenë prioriteti ynë absolut!
RAPORTI: https://www.imf.org/…/fiscal-monitor-update-january…