Ndoshta një kod i trafikantëve, por ama emri i futbollistit Cristiano Ronaldo përfundon sërish në dosjet e drogës. Këtë herë ka qenë policia rumune që ka konfiskuar plot 131 kg kokainë në brigjet e Detit të Zi.
Një çantë blu që ka dalë në sipërfaqe në brigjet e detit dhe pasi është hapur janë gjetur pakot me drogë, që në pjesën më të madhe të tyre ishte shkruar “CR7”, ashtu siç është edhe shkurtimi i Cristiano Ronaldos.
Kjo nuk është hera e parë që konfiskohen pako droge me imazhin apo inicialet e sulmuesit të Juventusit. Kujtojmë që në dhjetor të vitit 2018, ishte policia franceze që kapi një sasi kanabisi dhe kokaine në disa pako të mbështjella me imazhin e tij.