Ish-zv/kryeministri Arben Ahmetaj i shpallur në kërkim, nuk është përjashtuar nga grupi parlamentar i PS-së, dhe këtë e konfirmoi kreu i grupit, Bledi Çuçi duke bërë një paralelizëm me rastin Tahirit i cili u përjashtua nga grupi.
“Nuk e kemi përjashtuar Arben Ahmetaj. Nuk kemi marrë vendim, nuk ka arsye. Çfarë arsye ka ai, ka punë me drejtësinë. Problem është që nuk është prezent. Saimir Tahiri ka qenë prezet”,-tha Çuçi në një prononcim për gazetarët jashtë Kuvendit.
Nga ana tjetër, i pyetur se përse ka pasur prani të shtuar të Gradës në Kuvend, Çuçi tha se është detyra e tyre që të garantojnë një seancë normale. “Ka punën e vet. Duhet të garantojë një seancë normale. Nuk e di si i ndan detyra gradat. Detyra jonë është ti japim shqiptarëve buxhetin më të madh historik”, tha Çuçi.