“Çudira shqiptare”: I dërgoi lule dhe çokollata, tani rrezikon burgun. Ish- gruaja i konsideron përndjekje dhuratata

Në burrë i cili gjendet nën arrest shtëpie prej katër muajsh si i denoncuar për dhunë në familje, rrezikon sërish të kthehet në burg pasi i dërgoi trëndafila, çokollata dhe një letër ish partneres. Gruaja pretendon se ky veprim është përndjekje, ndonëse ish partneri këmbëngul se vetëm trëndafilat ishin për të shoqen, kurse të tjerat ishin dhurata për të birin. “Kur u ktheva në banesë së bashku me tim bir, në hyrje gjeta një qese ku kishte dhurata për djalin tonë, një trëndafil te kuq dhe mendoj që lulja nuk është për fëmijën, si dhe letra, pas te cilës ishin vizatuar tre zemra. Djali ende nuk ka mësuar të lexojë”, denoncon gruaja, e cila ka marrë në gjykatë një urdhër mbrojtjeje nga ish-partneri, Pjetër Gjaci. Ky i fundit gjendet nën arrest shtëpie në një tjetër banesë, që prej muajit korrik, nën akuzën e dhunës ndaj ish-bashkëjetueses. Burimet pohojnë për Top Channel se akuzës së dhunës prokuroria i ka bashkangjitur edhe përndjekjen, ndonëse Gjaci këmbëngul se pakoja u dërgua nga postieri. “Lulet i porosita me telefon, letrën e kisha për djalin ku i kërkoja falje për mungesën dhe shpresova që të rriturit do ia lexonin. Në pako kishte 6 çokollata për tim bir pasi më ka marrë malli për të”,u shpreh ai. Pavarësisht se në dëshmi ai këmbëngul se nuk kishte parashikuar të sillte këto shqetësime, gruaja insiston të kundërtën ndaj dhe Gjaci dyshohet edhe për përndjekje.