Në Fletoren Zyrtare janë publikuar datat për provimet e maturës të cilat do të zhvillohen gjatë vitit 2023.
Referuar njoftimit, datat për provimet e Maturës Shtetërore 2023 do të jenë si më poshtë:
- a) Gjuhë e huaj: 1 qershor 2023;
- b) Gjuhë shqipe dhe letërsi: 7 qershor 2023;
- c) Matematikë: 13 qershor 2023;
- d) Provimi me zgjedhje: 19 qershor 2023.
Testet e provimeve të Maturës Shtetërore 2023 hartohen, administrohen dhe vlerësohen nga Qendra e Shërbimeve Arsimore (QSHA).
Testi për secilin nga provimet e Maturës Shtetërore 2023 vlerësohet me 60 pikë maksimale.
Maturantët/kandidatët që rezultojnë mbetës në provimet e Maturës Shtetërore 2023, i rijapin provimet në sesionin e dytë.