Victoria Beckham festoi të mërkurën ditëlindjen e saj të 45-të, në Los Angeles me familjen.
Ish anëtarja e grupit Spice Girls, tashmë stiliste, ka postuar një foto të ditës së saj të madhe në Instagram, ku tregon dhuratat e shtrenjta dhe darkën me bashkëshortin David dhe fëmijët e tyre, Brooklyn 20, Romeo, 16, Cruz, 14 dhe Harper, shtatë vjeçe. Në këtë festë ishte dhe e dashura e Brooklyn, Hannah Cross.
Dita ka nisur herët për çiftin, kur David ka postuar një foto gazmore të bashkëshortes së tij pasi është zgjuar në orën 06.00 të mëngjesit me fëmijët, para se të thyejë rregullat strikte të saj për ushqimin, përfshi petullat dhe një darkë italiane.
