Ka përfunduar procesi i votimit për konfirmimin e kandidatëve për deputet të Partisë Demokratike në Kukës.
Sipas PD, në votime morën pjesë 69,5 % e anëtarëve të cilët konfirmuan për në fazën tjetër: Admir Sinamatin, Arben Cejkun, Ibrahim Brukën, Sahit Prizrenin dhe Vjollca Vatën.
Ndërkohë është s’kualifikuar ish-kryebashkiaku Bashkim Shehu pasi ka qenë më i papëlqyeri nga anëtarësia në Kukës.
Postimi i PD në Kukës:
Përfundon procesi i votimit për konfirmimin e kandidatëve në Degën Kukës. Mirënjohje të thellë për pjesëmarrjen masive në këtë proces të anëtarëve të Partisë. Mirënjohje për grupin e punës për organizimin e një procesi model.
Në përfundim të dhënat e votimit janë si më poshtë:
Numri i anetareve me të drejtë vote: 1365 anëtarë
Pjesëmarrja në votime: 949 anëtarë ose 69,5 %
Anëtarët konfirmuan kandidatët e mëposhtëm, që vijonë procesin ne fazën tjetër:
1. ADMIR SINAMATI
2. ARBEN CEJKU
3. IBRAHIM BRUKA
4. SAHIT PRIZRENI
5. VJOLLCA VATA