Sali Berisha ka uruar bashkëshorten për 75-vjetorin e lindjes dhe për 52-vjetorin e martesës së tyre. “Mirënjohja e pakufijshme e imja dhe dhe e fëmijëve është për Lilin, e cila me dashurinë, përkushtimin, mirësitë dhe sakrificat e saj ka qenë mbështetje e jashtëzakonshme dhe eleksiri vërtetë i jetës tonë perëndesha jonë në tokë”,-shkruan Berisha.
Postimi i plotë
Sot super festa e familjes tonë! Ditëlindja e Lilit dhe 52 vjetori i martesës tonë. Miq, 5 korriku është festa e festave tona familjare. Së pari sot kemi ditëlindjen e Lilit, që është ne fakt kryeditëlindja apo ditëlindja për të cilën flitet dhe që festohet më shumë në familjen tonë.
Por sot kemi dhe 52 vjetorin e martesës, e udhëtimit tonë të pëbashkët. Ndaj dhe sot mirënjohja e pakufijshme e imja dhe dhe e fëmijëve është për Lilin, e cila me dashurinë, përkushtimin, mirësitë dhe sakrificat e saj ka qenë mbështetje e jashtëzakonshme dhe eleksiri vërtetë i jetës tonë perëndesha jonë në tokë!
Gëzuar Lili 75 vjetorin dhe me dëshirën e Zotit edhe shumë, e shumë vite të tjera.