Kryetarja e mbledhjes Rudina Hajdari dhe deputetja Vasilika Hysi kanë replikuar me njëra tjetrën në mbledhjen e Këshillit të Integrimit.
Gjatë mbledhjes, Rudina Hajdari u shpreh se janë bërë hapa pas në procesin e integrimit në BE, por kjo deklaratë nuk është pranuar nga Hysi, e cila i ka vënë në dukje mungesën e eksperiencës.
“Ky Këshill duhet të mbajë atë profil përtej interesave partiake. Ndoshta duke qenë deputete e ere, nuk është e familjarizuar me rolin dhe detyrat që ka ky këshill, por kjo nuk do të thotë që duhet abuzuar me këtë Këshill”,- tha Hysi.
Si duket një deklarartë e tillë nuk i ka pëlqyer aspak Rudina Hajdarit, e cila e ka marrë si ofendim.
“Vlerësoj eksperiencën, por kjo nuk do të thotë që një eksperienca e gjatë ka rezultate. E rëndësishme është që të mos ofendojmë, dhe ju më ofenduat për mungesë eksperiencë. Kështu kam zgjedhur unë që ta bëj roli tim, i dëgjoj të gjitha, i mirëpres të gjitha komentet, qoftë edhe ato ofenduese”,- tha Hajdari.