Në mbledhjen e kryesisë së Partisë Demokratike dy nënkryetarët e PD, Edi Paloka dhe Edmond Spaho kanë kundërshtuar raportin për analizën e zgjedhjeve të 25 prillit.
Sipas Spahos analiza e Korçës nuk është objektive, sepse siç thotë ai ka marrë maksimumin prej 5 mandatesh.https://ads.gogel.al/www/delivery/afr.php?zoneid=107&target=_blank&cb=INSERT_RANDOM_NUMBER_HERE
“Analiza e Korçës nuk është objektive sepse unë kam marrë maksimumin, 5 mandate”.
Në raport thuhet se “kanë patur performancëbrenda pritshmërisë së rezultateve historike të Partisë Demokratike, qarqet 1. Berat, 2. Dibër, 3. Elbasan, 4. Fier, 5. Kukës, 6. Korçë, 7. Lezhë dhe 8. Vlorë”.
Edhe për nënkryetarin Paloka nuk mund të jetë ky dokumenti i analizës. Sipas tij dokumenti duhet të rishikohet se nuk pasqyron atë që kanë shkruar drejtuesit e qarqeve.
“Duhet ta ndryshojmë, nuk mund te jetë ky dokumenti i analizës. Dokumenti duhet të rishikohet, nuk pasqyron atë që kanë shkruar drejtuesit e qarqeve në raportet e tyre”.
Raporti i është dorëzuar kryesisë së Partisë Demokratike, ku analizohen zgjedhjet e 25 prillit në të gjitha qarqet e vendit.
Edi Paloka: Ky dokument nuk është realist. Nuk pasqyron ate qe drejtuesit politik kane shkruar ne raportet e tyre. Duhet ndryshuar dokumenti, nuk mund ta miratojmë në këtë mënyre si është hartuar
Edmond Spaho: Aty në raport z.Bardhi thua qe Korça nuk ka dalë brenda pritshmërive? Si e shpjegon? Unë kam bërë tjetër analizë. Kam marrë rezultatin më të mirë. Kam pasur objektiv 5 mandate kam fituar 5 mandate
Gazment Bardhi: Metodologjia e analizës nuk është bërë nga unë, por është bërë sipas një plani të bërë nga konsulentët. Mbi bazën e asaj metodologjie është bere analiza.
Edi Paloka: Ky dokument është bërë që dikush të dalë mirë dhe dikush keq.
Oerd Bylykbashi: Qarku i Durrësit del në analizë si qarku me performancën më të dobët. Po si mund të dalë qarku i Durrësit me performancë më të mirë me atë objektiv që u vendos?