Ditët e fundit ka shpërthyer një debat mes Agron Tufës, Drejtor i Institutit të Krimeve dhe Pasojave të Komunizmit dhe disa personazheve të njohur publikë për çështjen e historisë së Luftës Antifashiste Nacional Çlirimtare.
Tufa tha sot ne Top Channel se ai dhe familja e tij ndihen të kërcënuar.
Madje ai shprehet se ka lënë një dëshmi se nëse i ndodh diçka, dihet se kush janë autorët e sulmit.
“Kam të bëjë me segmente shume të rrezikshme fanatike të enverizmit, të ish-armës së sigurimit të shteti dhe drejtësisë së dhunshme komuniste dhe njerëzve të veshur me imunitet. Që ndihem i rrezikuar, moralisht kjo ndihet, por ndihem edhe fizikisht. Mesazhe kërcënuese vijnë me anë të personave anonim dhe jo anonim. Kam paralajmëruar që çfarë do që të ndodhë, dihet se kush janë autorët e sulmit”, paralajmëroi zoti Tufa.