Deklarata e Berishës kur ishte kryeministër: Rama le të shtrihet përdhe, të bëjë ç’të dojë, unë zgjedhjet do t’i bëj
Kur ishte Sali Berisha kryeministër dhe në protestë ishte maxhoranca e sotme, ai thoshte se Rama të bëjë ç’të dojë, unë zgjedhjet do i bëj. Por sot ish kryeministri kërkon të marrë pushtetin në tavolinë. Ai kërkon zgjedhje të parakohshme, në të kundërt nuk do të hyjë dhe nuk do të lejojë zhvillimin e zgjedhjeve.
– Sali Berisha 27.12.2010
“Zgjedhjet do të bëhen, garantoj shqiptarët se do të jenë të lira dhe të ndershme. Zoti Rama le të shtrihet përdhe, të bëjë ç’të dojë, unë zgjedhjet do t’i bëj. Ju bëni si të doni, bojkot ose jo. Unë ju ftoj të merrni pjesë. nëse ju doni të merrni pjesë, jeni të mirëseardhur, doni të bojkotoni… bojkotoni. Keni vërejtje për Kodin Zgjedhor, sillni amendamentet. Në të kundërt vazhdoni programin sipas kërkesave të kryetari tuaj”.
– Sali Berisha 10.04.2009
“Është normale që opozita ta shohë me lupë procesin zgjedhor, unë kam mirëkuptim për këtë….përsa i përket zgjedhjeve, nuk pranoj t’i shtyj asnjë ditë, po të doja ta bëja, e kisha bërë”.