Në Komisionin e Ligjeve ka nisur diskutimi për kërkesën e grupit socialist për shkarkimin e Presidentit Meta. Deputeti i opozitës në Parlament, Ralf Gjoni kërkoi nga juristët e pranishëm se çfarë duhet të kuptohet me shkelje të rëndë të Kushtetutës nga ana e kreut të shtetit, duke thënë se personalisht ishte kundër dekretit të Metës.
“Kush e përcakton se Presidenti ka shkelur Kushtetutën? Nuk jam pro Dekretit të Presidentit pasi nuk është i bazuar në Kushtetutë, por unë besoj në institucione dhe këtë mund ta bëjë vetëm Gjykata Kushtetuese! Është i nxituar vendimi për shkarkimin e Presidentit! Kjo procedurë shkarkimi është nje lojë politike për të berë shoë televiziv”, tha Gjoni.
Pas tij, Spartak Braho tha se “dekreti nuk është llastik për të mbathura, që mund ta hapësh sa herë të duash”, duke i shpjeguar deputetit se ka juristë të zotë. Por Gjoni duke e marrë personale iu kthye Brahos, duke i thënë të merret me Presidentin nëse ka problem me të.
“Po ke problem me presidentin adresoju presidentit, mos u merr me mua. Se nuk je prokuror. Nuk është prokuror komunizmit, se në 1991 ju hartuar ligjin 7501 dhe morët pronat pronarëve”, tha Gjoni.
Deputeti i opozitës u largua më pas nga mbledhja, ku vijoi diskutimi.
