Një plagosje me armë zjarri ka ndodhur në qytetin e Shkodrës.Mësohet se është plagosur me armë një vajzë, e cila nga të dhënat e para ka qenë kalimtare.
Liljana Jeremia raportohet se është kalimtarja e mbetur e
plagosur si pasojë e të shtënave më armë zjarri, të ndodhura mbrëmjen e sotme
në qytetin e Shkodrës.
Paraprakisht bëhet me dije se, në mes të Pedonales së qytetit, në rrugën “Kolë
Idromeno” ka pasur një konflikt mes disa personave i cili ka degruaduar deri në
përdorimin e armëve të zjarrit. Si pasojë e të shtënave ka mbetur e plagosur
kalimtarja 30 vjeçare, Liljana Jeremia.
Ndërkohë, në mes të Pedonales ka mbetur një BMË luksoze me targa të huaja, të cilës i ëhstë thyer nga plumbat xhami i parë. Identiteti i personave që janë përfshirë në konfliktim me armë zjarri nuk dihet ende, ndërkohë janë shoqëruar kalimtarët e tjerë që kanë qenë duke ecur në Pedonale, si dhe janë sekuestruar pamjet e kamerave të sigurisë.
E plagosura është dërguar me urgjencë në spitalin e Shkodrës dhe fatmirëisht ndodhet jashtë rrezikut për jetën. Ajo ka deklaruar se nuk i njeh autorët që e qëlluan.