Testi i drogës i kryeministres finlandeze Sanna Marin ka rezultuar negativ, njoftoi këtë të hënë zyra e shtypit të kabinetit të Finlandës.
Marin iu nënshtruar këtij testi më 19 gusht pas qarkullimit të videos ku ajo shfaqej duke bërë kërcim provokues dhe erotik me një këngëtar.
Sakaq, informacione më të detajuara për testin, mostrat dhe mënyrën e kryerjes së testit pritet të jepen nga zyra e kryeministrit finlandez, ndërsa sipas burimeve, testin e ka paguar personalisht Sanna Marin.