Edhe në “lufën” kundër qeverisë, PD-ja vijon që të jetë e përçarë. Grupimi Berisha dhe ai i Alibeajt kanë depozituar në Gjykatën Kushtetuese dy padi të ndryshme, edhe pse thelbi është i njëjtë. Deputetët e PD-së kundërshtojnë vendimin e Kuvendit që refuzoi heqjen e mandatit parlamentar të ministres së Europës dhe Punëve të Jashtme, deputetes Olta Xhaçka. Të dyja paditë kërkojnë gjithashtu konstatimin e papajtueshmërisë me Kushtetutën të mandatit te deputetes socialiste.
“Zonja Xhaçka nuk mund të jetë njëkohësisht edhe ministre e Jashtme edhe investitore strategjike. Nuk mund të jetë edhe deputete edhe pronare e plazhit publik. Ky është një akt shumë i rëndë. E megjithatë, jo surprizë për ne. Sepse në këto 10 vjet, kjo maxhorancë dhe kjo qeveri vetëm këtë kanë bërë. Kanë shfrytëzuar pushtetin për të vjedhur dhe për t’u pasuruar në mënyrë të paligjshme dhe më pas kanë përdorur kartonët e Parlamentit si mburojë për korrupsionin e tyre”, tha deputeti Agron Shehaj, nga grupi i Berishës, ku tregoi edhe se këtë kërkesë e kanë firmosur 28 deputetë.
Kurse nga grupimi Alibeaj padia ishte firmosur nga 14 deputetë të PD dhe në emër të tyre foli deputeti Gazment Bardhi. “Është rasti unik në botë ku ministri për Europën dhe Punët e Jashtme, deputetja Xhaçka gëzon njëkohësisht dhe statusin e partnerit strategjik për një investim në Himarë me vlerë 5.5 mln euro. KJo bie ndesh me nenin 7 të Kushtetutës që i ndalon deputetët që të përfitojnë fonde publike apo të përfitojnë pronë publike”.
Firmat e grupit Berisha
Agron Shehaj
Oerd Bylykbashi
Edmond Spaho
Elda Hoti
Xhelal Mziu
Belind Këlliçi
Albana Vokshi
Edi Paloka
Luçiano Boçi
Sali Berisha
Luan Baçi
Lindita Metaliaj
Isuf Cela
Kasem Mahmutaj
Gerta Bardeli
Flamur Noka
Bledjon Nallbati
Ina Zhupa
Tritan Shehu
Ervin Salianji
Kreshnik Çollaku
Petrit Vasili
Erisa Xhixho
Dashamir Shehi
Monika Kryemadhi
Emilja Koliqi
Ramadan Lika
Grupi i Alibeajt
Gazment Bardhi
Merita Bakiu
Lefter Geshtenja
Zheni Gjergji
Ferdinand Xhaferraj
Arbi Agalliu
Orjola Pampuri
Jorida Tabaku
Saimir Korreshi
Flamur Hoxha
Emilja Koliqi
Ilda Dhori
Dashnor Sula
Seladin Jakupllari