Në vitin 2018 drejtori i kohës së Autoritetit Kombëtar të Ushqimit Agim Ismaili ka kallzuar në prokurori ish- drejtorin Artan Gjergjin për shpërdorim detyre pasi ky i fundit pretendohet se shkaktoi një dëm të madh buxhetit të shtetit prej 3 milion dollarë duke gjobitur një subjekt për arsye politike dhe jo sipas ligjit të ushqimit.
Jo më larg se 2 ditë më parë (8 tetor 2019) Gjykata e Tiranës ka urdhëruar Prokurorinë të vazhdojë hetimin ndaj 2 ish-zyrtarëve Artan Gjergji dhe Gramoz Dudushin, drejtues të Aku-së në 2013 nën akuzën “shpërdorim detyre”.
Por si qëndron historia e gjithë kësaj?!
Gjithçka filloi në 2013 ku z. Gjergji gjobiti fabrikën e qumshtit të biznesmenit dhe politikanit , Sami Gjergji.
Për më tepër ish-drejtori Gjergji del personalisht në deklarat për shtyp duke deklaruar mos konsumim të këtij qumështi gjë që çoi në falimentimin e fabrikës.
Biznesmeni Gjergji hapi gjyq ndaj këtij dëmi që iu shkaktua dhe fitoi gjyqin duke kërkuar dëmshpërblim nga AKU ose më saktë nga taksapaguesit shqiptar prej 3 milion dollarë.
Në 2018 vjen në detyrë si drejtor i Përgjithshëm i AKU-së, Agim Ismaili i cili shqyrtoi çështjen dhe konkludoi se për post dëmit në buxhet ky ish- drejtor ka shpërdoruar detyrën duke e kallëzuar atë në prokurori.
Prokuroria mbyll hetimin por sipas proçedurës mbyllja e hetimit dërgohet në gjykatë për shqyrtim dhe pasi kjo e fundit shqyrtoi çështjen, urdhëroi prokurorin të rihetojnë mbi rastin.