Pas rastit të Kavajës, ish-kryeministri Sali Berisha ka postuar në faqen e tij të Facebook një mesazh që i ka ardhur nga një nxënëse e shkollës 9-vjeçare të Selenicës, sipas së cilës dy vajza nga kjo shkollë janë abuzuar seksualisht nga një “djalë me tatuazhe”.
Në këtë mesazh të ardhur nga një nxënëse e kësaj shkollë thuhet se dy shoqe të saj nga kjo shkollë, para tre javësh janë abuzuar seksualisht nga një i rritur, ndërsa drejtoria e shkollës është përpjekur për ta fshehur ngjarje.
Në mesazh thuhet se, abuzimi i dy vajza në klasë të shtatë, nuk ka ndodhur në ambientet e shkollës, por në shtëpinë e njërës prej të miturave, e cila jetonte me gjyshërit.
Aty thuhet se ka shkuar një djalë “me tatuazhe” dhe ka abuzuar seksualisht metë dyja, ndërsa vajza tjetër u ka treguar prindërve për ndodhinë.
“Pasi u bë problem dhe u mor vesh se drejtoresha po mundohej ta fshihte ngjarjen, më pas prindërit e vajzës ose ajo, e kanë denoncuar rastin në policinë e Vlorës. Flitet se për një nga vajzat ekziston edhe një video erotike”, shkruan denoncuesja e mitur në mesazhin drejtuar Sali Berishës.
“Deri tani policia nuk ka marrë asnjë masë ndaj përdhunuesit, drejtoreshës dhe psikologes, që donin ta mbyllnin skandalin”, shkruhet në mesazh.
“Perdhunime dhe prostitucion me nxeneset e mitura te shkolles! Denoncohen perdhunime dhe prostitucion te nxeneseve te shkolles 9 vjeçare Selenice dhe fshehje e krimit nga narkozyrtaret e Kakistokracise”, ka shrkuar Berisha.
POSTIMI I BERE NE FACEBOOK, NGA SALI BERISHA:
