Deputeti demokrat Tritan Shehu, hedh akuza se kardiologjia është prej një muaji e bllokuar, por QSUT në një reagim zyrtar, thotë se i është përgjigjur çdo emergjence dhe ka garantuar vazhdimësinë e ndërhyrjeve kardiokirurgjikale, sipas përcaktimeve mjekësore.
Qendra Spitalore Universitare “Nënë Tereza”, sqaron se ka në dispozicion fondin e nevojshëm dhe është në procedura për vijimin e procesit të furnizimit me materialet mjekësore, sipas procedurave të prokurimit publik në zbatim të legjislacionit në fuqi.
Shehu thoshte se prej disa javësh ky aktivitet shumë i rëndësishëm mjekësor është bllokuar prej faktit se mungonin oksigjenatorët, një material ky i domosdoshëm për shumicën e operacioneve në zemër e enët kryesore te gjakut.