Byroja e Kuvendit nuk ka ndryshuar vendimin për përjashtimin e deputetëve demokratë. Byroja u mblodh me kërkesë të deputetëve demokratë, të cilët e konsideruan vendimin e Etikës, si antikushtetues.
Ndonëse socialistët kërkuan përjashtimin me 20 ditë, Sekretariati për Etikën zbuti dënimin për Spahon në 10 ditë, e po kaq ditë e përjashtoi Oerd Bylykbashin, Elda Hotin dhe Sorina Kotin. Dënim më të lehtë me 5 dhe 3 ditë morën Lindita Metaliaj dhe Gerta Bardeli.
PD-së do t’i mungojnë sot në seancë 8 deputetë, ku përfshihen Sali Berisha dhe Flamur Noka që kanë ende një dënim të vlefshëm.