Agron Gjekmarkaj është treguar kritik ndaj Partisë Demokratike, por edhe mazhorancës.
Nënkryetari i Kuvendit shkruan në rrjetet sociale se: “Në PD-në e kontrolluar nga Sali Berisha, në të hershmen dhe në të renë nuk flitet pa leje. Dje dhe sot , kolegë dhe zëra nga pjesa tjetër, sapo grupi parlamentar i PD-së ofroi një mundësi të sinqertë për të biseduar mbi mënyrën e bashkëpunimit për të mundur Edi Ramën në zgjedhjet lokale, vrapuan t’i fryjnë zjarrit të ndasisë, flakët e së cilit djegin të ardhmen e demokratëve. Këto duhet të ndalen në interes të qytetarëve. Nëse nuk kanë ndonjë fjalë pozitive, konstruktive, bashkëpunuese për të thënë, kjo është koha për të heshtur”, thotë Gjekmarkaj.