Një ngjarje e rrallë dhe e veçantë është shënuar sot në Parlamentin e Serbisë në Beograd ku dhe ka revoltuar edhe krerët e vendit.
Sot në seancën Kuvendit të Serbis deputeti shqiptar, Shaip Kamberi, e ka marrë me vete flamurin e Shqipërisë, të cilin e ka vendosur pranë atij të Serbisë. Flamuri shqiptar ka tërhequr menjëherë vëmendjen e kryeparlamentarit serb, Ivica Daçiç dhe Kryeministres serbe.
Daçiç, ka kërkuar që të heq flamurin pasi sipas tij ai ka shkelur rregullat, ndërsa Ana Brnabiç, e cila i ka thënë se nuk ka të drejtë që ta vendosë flamurin në tavolinën e paralmentit
“Ne nuk kemi tolerancë për shkeljen e rregullave të procedurës, unë ju kërkoj të hiqni flamurin. Ju lutem me mirësi që të respektoni rregullat e procedurës së Asamblesë Kombëtare dhe vendimin për rendin e brendshëm në Asamblenë Kombëtare, i cili thotë qartë se është e ndaluar të shfaqen simbolet e një partie dhe një shteti të huaj përveç në mjediset e caktuara për palët” tha Daçiç.
“Unë me të vërtetë do të doja të flisja për gjëra më specifike. Nëse mendoni se keni të drejtën e flamurit tuaj, duhet të flasim për flamurin e një vendi tjetër, kjo do t’ju flasë aq shumë sa mendoni se ka probleme reale për banorët shqiptarë në Preshevë dhe Bujanovc”, tha Ana Brnabiç.
Shaip Kamberi, më pas ka hequr flamurin por megjithatë nuk ka heshtur. Ai u ka thyer përgjigje dy zyrtarëve serbë duke thënë se identiteti është se flamuri shqiptar është identiteti i tij duke shtuar se asnjë çështje nuk është më e rëndësishme se identiteti.
“A ka ndonjë çështje më të rëndësishme se identiteti? Ne mund të kemi para dhe punësim, por nëse nuk kemi identitet, gjuhë dhe shkrim… Ky është një flamur që shqiptarët e përdorin që nga viti 1443 dhe është më shumë një flamur kombëtar sesa një flamur shtetëror”, tha Kamberi.