Një deputet ukrainas e ka përshkruar situatën që po ndodh në qytetin juglindor të Mariupolit si të ngjashme me “një rrethim mesjetar”.
Dmyrto Gurin i tha BBC-së se ushtria ruse ka rrethuar qytetin, teksa bombarduesit po hedhin eksplozivë gjatë gjithë kohës.
“Kur ushtria ruse e kuptoi se nuk mund të na mposhtnin në fushën e betejës, ata filluan të bombardojnë qytetet,” tha ai.
Gurin, prindërit e të cilit ende jetojnë në qytet, tha se banorët po detyrohen të jetojnë në bodrume dhe tha se autoritetet besojnë se atyre u kanë mbetur vetëm “dy deri në tre ditë” ushqim.
Ai tha se prindërit e tij nuk u larguan nga Mariupoli sepse nuk mund të besonin se rusët do të bombardonin një qytet që është 95% rusisht-folës.