Deputetja demokrate, Flutura Açka gjykon se PD nuk mund të fitojë me Berishën në krye. Pavarësisht vlerësimeve që ka ndaj figurës së tij, sipas saj, ora politike e ish-kryeministrit ka përfunduar.
Në një intervistë në “News24”, Açka theksoi se PD duhet të riciklohet nga figurat e vjetra dhe se opozitës i duhen liderë të rinj.
Ajo shtoi se Berisha duhej ta merrte me sportivitet vendimin e DASH dhe të tërhiqej, bashkë me Bashën, në mënyrë të tillë që t’i hapej rruga elitës së re.
“Nuk mund të fitojë sepse shqiptarët nuk do ta votojnë, nuk do ta votojnë në masë për të fituar, do ta votojnë për nuk është kjo e gjitha sepse ishin duke pritur opozitarët e rinj që të sillnin një frymë dhe t’i jepnin fund tranzicionit shqiptar. Fati i kthimit të Berishës, nuk e diskutoj për moshën, por i vetmi shqetësim është se ora e tij politike ka mbaruar. Ju e patë edhe në zgjedhje nuk ishin zgjedhje demokratike, por vetëm shpura. Të riciklohen xhaketat e vjetra. Nuk kam asgjë me këta por, këta njerëz do të bindin shqiptarët të vijnë prapë në pushtet, disa prej tyre të njohur si hajdut me damkë, më vjen keq. Mua jo nuk më bindin. Ka disa figura që nuk më bindin dot, riciklimi i tyre i ka bërë dëm të madh PD”, tha ajo.