Detaje të reja janë mësuar nga mbledhja që po zhvillon Lulzim Basha mbrëmjen e sotme me Kryesinë e PD-së.
Mësohet se është propozuar që, në strukturat e Partisë Demokratike të mos ketë individë të shpallur “non grata’.
Sipas burimeve, ky propozim është bërë nga nënkryetari Enkelejd Alibeaj. Ai ka hasur në kundërshtinë e Dhurata Çupit, deputete e Qarkut Dibër.
Po në mbledhjen e ditës së sotme, Kryesia e PD vendosi ngritjen e Komisionit Statutor, anëtarë të së cilës do të jenë: Enkelejd Alibeaj, Jorida Tabaku, Ervin Salianji, Kreshnik Çollaku, Taulant Zeneli, Jonila Godole. Ata janë propozuar të formojnë komisionin e përhershëm statutor në PD.
Gjithashtu, gjatë mbledhjes po diskutohet për rendin e ditës në Kuvendin Kombëtar të PD-së, që do të startojë nesër në orën 11:00.
Pjesë nga debati
Dhurata Çupi: Kjo është për Sali Berishen. Ta themi qartë dhe shqip. A jemi ne në gjendje ta përballojmë dot këtë ndaj demokratëve?
Kreshnik Çollaku: Jam dakord me këtë propozim.
Agron Gjekmarakaj: Jam dakord me propozimin.
Ervin Salianji: Ta kthejmë në rezolutë.
Orjela Nebiaj: Dakord.