Publikohen pamjet nga sherri i ndodhur mes Arkimed Luashajt (Stresi) dhe anëtarit të grupit TBA, Benardin Simoni, i njohur si Biiemtii.
Siç shihet nga pamjet, Simoni ishte duke ecur me makinë kur u ndalua nga disa djem të rinj, shokë të Stresit, të cilët më pas e kanë goditur, duke i shkaktuar dëme fizike. Ndërsa, Stresi dëgjohet gjatë videos duke sharë dhe ofenduar reperin e sulmuar.
Pas kësaj ngjarjeje, Stresi ka realizuar një “live” në Instagram me Noizyn, ku ky i fundit e pyet me ironi çfarë kishe bërë sot.
“Vëlla, familja është më e shenjtë, asnjë gjë tjetër s’ka rëndësi”, shprehet Arkimedi.
Ky sherr nuk nisi nga hiçi. Disa kohë më parë, Biiemtii ka realizuar një “live” në TikTok ku ka kërcënuar Stresin se do ta vrasë.
“Ti më ke borxh Arkimed Lusha, deri ditën që të vdes. Ishalla më vret ta bëftë zoti hallall. Veçse ma ke borxh. Deri ditën që të vdes do të jetoj me shpresën me ta marrë jetën. Po ta bëj publike. Unë kam me të vra”, është shprehur anëtari i TBA-së