Franca do të masë forcat në gjysmëfinalen e Botërorit ndaj Marokut. Trajneri i “Gjelave”, Didier Deschamps ka kërkuar nga skuadra që rivali të merret seriozisht, pasi e meriton gjithë respektin.
“Ne takuam një Angli të shkëlqyer atletikisht dhe teknikisht, por ne u përgjigjëm. Është e mrekullueshme të jemi ende në gjendje të arrijmë në gjysmëfinale dhe ne duam ta shijojmë atë. Ka cilësi në këtë ekip, por ka edhe një mentalitet dhe një gjendje shpirtërore. Maroku meriton gjithë respektin tonë. Ndoshta ata nuk ishin pjesë e ekipeve që e kemi pritur deri tani, por do t’i marrim shumë seriozisht” – tha ai.