Studime të shumta kanë arritur në përfundimin se mosha ideale për t’u bërë nëna është në fillim të të 30-ve.
Kjo, pasi nëse bëheni nëna në moshë të mëtutjeshme gjërat mund të komplikohen. Çiftet preferojnë të presin deri në momentin kur të ndihen gati për të krijuar një familje.
Nëse bëni fëmijë pas moshës 30-vjeçare, me shumë gjasa do të keni një bebush të zgjuar.
Nga studimi i kryer në Mbretërinë e Bashkuar rezultoi se në fakt ekziston një lidhje mes moshës së nënës dhe zhvillimit mendor të fëmijës. U arrit në përfundimin se nënat të cilat kishin bërë fëmijën e parë në moshën 30-39 vjeç kanë fëmijë më të zgjuar se ato të moshave 20-29.
Përveç kësaj, femrat që bëhen nëna rreth kësaj moshe, kanë më tepër mundësi për të rritur një fëmijë siç duhet. Gratë rreth moshës 30-vjeçare supozohet të kenë një jetë të qëndrueshme dhe të kenë më shumë të ardhura.
Kështu, fillimi i të 30-ve konsiderohet si mosha më ideale për t’u bërë nëna e një fëmije të zgjuar!