Zyrtarë të Komisariatit të Policisë Mat thonë se vijojnë hetimet për zbardhjen e grabitjes së ndodhur një natë më parë në afërsi të fshatit Burgajet.
Shtetasi D.Bushi kishte dërguar në rrugë bankare, nga Gjermania, 15 mijë euro, për të ndërtuar shtëpinë e dëmtuar nga tërmeti, në fshatin Dukagjin të Derjanit.
Ai dje ka mbërritur në Burrel dhe një i afërm i ka tëhequr paratë e dërguara në emër të tij nga Bushi. Pasi i ka tërhequr ia ka dorëzuar emigrantit. Pa u nisur drejt fshatit Bushi dhe dy bashkëfshatarë të tij kanë drekuar në një nga lokalet e Burrelit.
Në mbrëmje janë nisur drejt Derjanit, por në vendin e quajtur Lapidari i Zenishtit katër persona të armatosur dhe të maskuar u kanë zënë pritë dhe u kanë rrëmbyer 15 mijë euro.
Mësohet se dëshmitë e tre personave që u thirrën në Polici janë kontradiktore dhe se po hetohet për zbulimin dhe arrestimin e personave që realizuan grabitjen. /tirananews.al/