Ngjarja e rëndë e ndodhur ditën e djeshme në Elbasan ku humbi jetën 52-vjeçarja Fatbardha Likrama ishte tejet shokuese. Ajo u vetëflijua duke u hedhur nga kati i tretë i pallatit ku banonte pasi, sipas dëshmive të dëna, ishte një femër e dhunuar prej vitesh nga bashkëshorti, vjehrra e kunata.
E ndodhur në kushte të tmerrshme dhune psikologjike e fizike, viktima 52-vjeçare nga lagja “Vullnetari” në Elbasan kreu aktin ekstrem të vetëvrasjes, ndërsa në fillim javë, për 52-vjeçaren konfirmohet se ishte lëshuar një urdhër-mbrojtje nga policia i cilin mban datën 2 Maj 2022.
Në dëshminë e të ndjerës të dhënë një natë para ngjarjes, është thënë se kishte frikë se do ta dhunonin prandaj duhet të kishte një urdhër mbrojtje për të. Ajo natën e fundit të jetës ishte strehuar tek e motra, por ka qenë i biri 20 vjeçar që e kishte kthyer forcërisht në shtëpi.
Në momenti e aktit të vetëflijimit në shtëpi nuk ka qenë asnjëri prej familjarëve dhe 52-vjeçarja, nga kati i parë ku jetonte është ngjitur në katin e tretë dhe është vetëhedhur duke gjetur vdekjen e menjëhershme.
Lidhur me ngjarjen e rëndë janë marrë në pyetje të gjithë familjarët e saj me të cilëve edhe e motra ku ishte strehuar natën e fundit si edhe mjaft fqinj të së ndjerës.