Të tjera detaje të rënda janë zbardhur për ngjarjen makabre që ndodhi mbrëmjen e kaluar në Fier ku bashkëshorti goditi 31 herë me thikë gruan e tij duke i shkaktuar vdekjen e menjëhershme.
Demokrat Medinaj, vrau me thikë bashkëshorten e tij, Irvana Hyka (Medinaj) që ishte 6 javëshe shtatzënë. Bashkëshorti, e ka qëlluar disa herë me thikë të renë.
Medinaj, raportohet se e ka kryer krimin e rëndë në sy të dy fëmijëve të mitur.
Xhaxhai i viktimës deklaroi se lajmin e kishin mësuar nga media. Ai tha se çifti shkonte shumë mirë dhe se kishin tetë vjet të martuar. Sipas tij, dhëndri nuk ka pasur probleme mendore.
Pas vrasjes, motivet e së cilës ende nuk bëhen me dije, Medinaj është larguar nga banesa. Aktualisht, ai është në kërkim nga policia.