Pas armatosjes së Serbisë me helikopterë, avionë dhe blinda, Shtetet e Bashkuara kanë nxituar që t’i dorëzojnë Shqipërisë të tjera mjete ushtarake.
Bëhet fjalë për blinda më të rëndë se ata që ka deri më tani Shqipëria, të cilët janë gjithashtu dhuratë nga aleati i saj strategjik.
Fotoja është shpërndarë nga ministrja e Mbrojtjes Olta Xhaçka e cila teksa ka postuar foton e një komandoje në Zall Herr, në sfond është zbuluar pa dashje edhe armatimi i ri që nuk është hasur deri më tani në ushtrinë shqiptare në asnjë prezantim. Sikurse shihni edhe në sfondin e ushtarit, pas tij qëndrojnë mjete të blinduara me zinxhirë, të cilët rikthehen në shërbim të forcave të armatosura tona që nga koha e rusëve dhe e kinezëve, por tashmë armatim modern amerikan.
Fotoja është bërë pikërisht në ambientet e Komandës së Forcës Tokësore, në Garnizonin e Zall-Herrit, ku janë zhvilluar edhe më herët ceremonitë e prezantimit të blindave të mëparshme, shkruan tirananews.al
Shtetet e Bashkuara të Amerikës u kanë dhuruar deri më tani Forcave të Armatosura të Shqipërisë mbi 40 mjete të blinduara ndaj pritave apo kurtheve të minuara, si pjesë e mbrojtjes kolektive të NATO-s, që do të përdoren tashmë nga strukturat ushtarake, të markës “InternationalMaxxPro MRAP” (Mine Resistant Ambush Protected). / tirananews.al
Gjithashtu, kanë ardhur edhe makina Hummer, amerikane që janë blinda më të lehtë, ndërkohë që edhe Policia ushtarake ka një tjetër tip të blinduar.
Duket se me rritjen e tensioneve, lufta e ftohtë po ndihet edhe në Ballkan duke prekur edhe Shqipërinë në garën e armatimit.
