Të tjera detaje dalin në dritë në lidhje me arrestimin e Ermal Gjokës në Durrës, i cili ishte shpallur në kërkim nga autoritetet italiane për ‘heqje të paligjshme të policisë’ si dhe ‘shfrytëzim prostitucioni’.
52-vjeçari, i cili pritet të ekstradohet drejt vendit fqinj, pasi është dënuar në mungesë nga gjykata e Veronës, akuzohet se në vitin 2007 ka rrëmbyer një shtetase shqiptare dhe e ka çuar në Itali me qëllim shfrytëzim prostitucioni, raporton BW. Pasi është zbuluar nga policia italiane në një hotel në Verona, shqiptari ka arritur që të arratiset. Ndërkohë, ka qenë shqiptarja ajo që ka dhënë detaje rreth pengmarrjes së saj dhe shfrytëzimit të saj për prostitucion nga ana e Gjokës.
Ky i fundit është arratisur përgjatë shumë viteve në vende të ndryshme të BE-së, ndaj edhe nuk është bërë e mundur arrestimi i tij. ndërkohë, në vitin 2019 ai është kthyer në Shqipëri, për t’u arrestuar sot nga policia.