Alma Çupi e ftuar në “Opinion”, ndau mendimin e saj për turizmin dhe specifikisht, foli për përvojën e saj në jug të vendit. “Në çdo vend të botës ka plazh privat, publik…ti nuk mund të më detyrosh mua që plazhin publik ta kem atje (larg)…si j*vgjit”, u shpreh ajo, duke përdorur kështu një fjalë fyese ndaj komunitetit rom dhe egjiptian.
Pas bujës që deklarata e saj bëri, gazetarja kërkoi ndjesë duke u shprehur: “Kërkoj ndjesë publike ku distancohem nga përdorimi i një fjale, e cila paragjykon haptazi dhe prek dinjitetin e personave të komunitetit rom dhe egjiptian”.
Ajo shtoi: “Nuk ka qenë qëllim fyerja dhe as diskriminimi. Unë si gazetare kam promovuar çdo komunitet për vlerat që kanë sjellë në turizëm dhe sidomos komunitetin rom dhe egjiptian”.