Kjo mund të jetë fundjava e fundit me një lloj të tillë kufizohet, ku javën e ardhshme do të lejohet të dalin dhe ata mbi 14 vjeç nëse gjithçka ecën siç duhet. Kështu bëri të ditur një ditë më parë kryeministri Edi Rama.
Ndërkohë kjo e shtunë dhe e dielë është sërish për të moshuarit deri në orën 09.30 dhe 10.30 me 17.30 për prindërit me fëmijë.
““Këtë fundjavë njësoj si fundjavën e shkuar, në të gjithë vendin do të lejohen të qarkullojnë vetëm automjetet që kanë autorizim për punë dhe dalja e këmbësorëve do të bëhet me dy fasha: Deri në orën 09.30 vetëm pensionistët dhe nga ora 10.30 deri në 17.30 prindërit me fëmijët deri në 14 vjeç. Nëse situata me numrat e të infektuarve dhe të të shtruarve në spital vazhdon të jetë e stabilizuar, kjo do të jetë fundjava e fundit me ndalim daljeje për vajzat e djemtë mbi 14 vjeç“, tha Rama një ditë më parë në rrjetet sociale.
Ndërkohë njësoj si fundjavën e parë këtë të shtunë hapur do të qëndrojnë vetëm dyqanet ushqimore, furrat e bukës dhe farmacitë.