Një person në Pogradec është proceduar penalisht në gjendje të lirë, pasi akuzohet për dhunë në familje.
Nën hetim është vënë shtetasi me iniciale G.L., i cili dyshohet se ka ushtruar dhunë fizike dhe psikologjike ndaj vjehrrës së tij.
“Specialistët për Hetimin e Krimeve të Komisariatit të Policisë Pogradec referuan materialet në Prokurori dhe filloi procedimi penal në gjendje të lirë për shtetasin G. L., banues në fshatin Proptisht, Pogradec, për veprën penale ‘Dhuna në familje’, pasi dyshohet se ka ushtruar dhunë fizike e psikologjike ndaj vjehrrës së tij”, njofton policia.