Dhoma e Përmbaruesve Privatë ka publikuar në faqen zyrtare një video të Guvernatorit Gent Sejko, nga raportimi në Komisionin e Ekonomisë një muaj më parë. Sipas reagimit dhe pamjeve, Guvernatori i Bankës së Shqipërisë lexon gjithë kohën.
Shënimi i plotë i Dhomës së Përmbaruesve – VIDEO:
Ky që flet është Guvernatori i Bankës së Shqipërisë, duke raportuar para Komisionit për Ekonominë dhe Financat (11 maj 2022). Përveç proletarit profesionist (Braçe), bukuranet e komisionit nuk ndodhen në këtë çast sublim llogaridhënie të Guvernatorit. Me siguri të gjitha do kenë ikur në impenjime më të rëndësishme qerpistike dhe ondulim-zbukurimi…
Dëgjojeni duke e lexuar këtë individ. Ju kryeministra, presidentë, ministra që ishit, jeni dhe do të jeni. Në pushtet apo opozitë, pak rëndësi ka, se brenda jush llokoçitet gjëja… Dëgjojeni produktin tuaj në përçartjen finale “par excellence”.
Një Guvernator nja 10 vjet më parë e rrasët brenda për arsye ligjore. Këtë që flet, ja keni rrasur mijëra familjeve shqiptare për arsye madhore që nuk është as tërmet, as pandemi, as lufta Ukrainë-Rusi. Por, dëgjojeni mirë sot, që mos të kujtoheni mot e të thoni: Ooo po nuk e menduam kështu!