Burime nga grupi hetimor bëjnë me dije se autorët kanë ndjekur lëvizjet e Perndrecës dhe pasi kanë inskenuar goditjen e makinës, kanë zbritur nga mjeti duke e qëlluar me sende të forta.
Sulmi vjen pas kontrolleve të OSHEE-së për vjedhje apo ndërprerje të energjisë elektrike ndaj abonentëve debitorë.
Edmir Perndreca është emëruar drejtor i Njësisë së Operatorit të Shpërndarjes së Energjisë Elektrike Lezhë prej më shumë se një viti.
Aktualisht 43-vjeçari po merr ndihmë mjekësore, ndërsa tre autorët e dyshuar janë shpallur në kërkim.