Rreth një muaj më parë, profesori Petraq Milo, njëkohësisht ish-këshilltar i ish-presidentit Ilir Meta, u dhunua në Pikën Kufitare të Muriqanit nga një polic malazez. Nga pamjet që u publikuan menjëherë nëpër media, dallohej se si Milo dhe familjarët e tij që ndodheshin brenda në mjet u nxorën jashtë në mënyrë të dhunshme.
Kryeministri me mandat teknik i Malit të Zi, Dritan Abazoviç, ka reaguar pas dhunës së ushtruar dhe keqtrajtimit që është bërë ndaj një shtetasi shqiptar.
Ai theksoi se ata që i tejkalojnë kompetencat e tyre, duhet të ndëshkohen në mënyrë adekuate.
Mirëpo, Abazoviç shtoi duke thënë se në video dallohet vetëm veprimi i policit dhe jo shkelja e personit të dhunuar që mund të këtë shkaktuar këtë reagim.
“Nuk është se dikush e ka vënë në shënjestër dikë dhe e ka nxjerrë thjesht nga makina. Dikush duhet të ketë bërë shkelje. Nuk janë respektuar rregullat e komunikacionit dhe radhët”, citohet të ketë thënë Abazoviç.